ILOILO CITY- Gintudlo ni Antique Governor Rhodora Cadiao ang wala pa natapos nga construction sang drainage system ang rason sang pagbaha sa mga balay sa National Housing Authority sa Barangay Lugta, Laua-an, Antique kasunod sang pagbubo sang ulan.
Sa interview sang Bombo Radyo kay Governor Cadiao, iya ginpahayag nga madugay na nga ginabaha ang lugar rason nga ginpahimuan sang drainage system kun sa diin ginpondohan ini sang P10 million.
Suno kay Cadiao, dako ang proyekto rason nga madugay ang paghuman sini.
Istoryahon naman sini ang Department of Public Works and Highways agud hingyuon nga padasigon ang pagkompleto sa pag-construct sang drainage system.
Nahibaluan nga ang mga benepisyaryo sang housing projects amo pa ang mga biktima sang Typhoon Yolanda nga naglaslas sang 2013.
