Ginpakigbahin ni Presidente Ferdinand Marcos Jr. sa Asian Summit sa Singapore nga pagkatapos sang pandemya, napabalik na ang mga Pinoy sa trabaho kag yara na sa 96% ang employment rate.
Apang ginpaathag man sini nga madamo gihapon ang problema sang Pilipinas pag-abot sa supply chains kag produksyon sa agrikultura.
Suno kay Marcos, kun may yara man sang importante nga leksyon nga natun-an sa pandemya, ini amo ang ihibalo nga ang importasyon indi amo ang “pinakamaalam” nga desisyon.
Ang importasyon suno sa iya ang pinakamadali nga solusyon rason nga sang nagliligad nga tuig, wala tuo ang import sang pungsod sang bugas, mais, kag iban pa nga mga bagay.
“But this is a lesson that we immediately learn. I said, we cannot now continue to depend on importation which is what has happened for the Philippines. In the past years, it became the easy way out… Just import more, import more rice, import more corn, import more everything. And the pandemic showed us that this was not a wise choice to have made,” pahayag ni Marcos sa amo nga event.
Kun balikan, si Marcos man nga amo ang tiglikom sang Department of Agriculture amo ang nag-approve sang importasyon sang nagkalain-lain nga commodities lakip na ang kalamay sang 2022.
Magluwas diri, ginapaabot man ang gin-import nga bugas sa tunga sang ginapatuman subong nga price cap sa bugas.
Sa subong suno sa presidente, padayon ang pag-develop sang sektor sang agrikultura agud makahatag sang bastante nga pagkaon sa pungsod nga masarangan baklon sang mga tawo. #
