Gindul-ong na sa iya ulihi nga palahuwayan ang world renowned violinist nga si Gilopez Kabayao.
Si Kabayao ang napatay sang Oktubre 13 sa edad nga 94.
Siya ang ginbansagan nga “Father of Outreach for Classical Music” kun sa diin nagatukar ini sang iya nga instrument mangin sa pinakamalayo nga mga lugar halin sa Aparri tubtop sa Jolo.
Siya ang ginhagatagan man sang Presidential Award of Merit sang 1969 kag President Ramon Magsaysay Award sang 1972.
Naghimo si Kabayao sang kasaysayan matapos ini nangin pinakauna nga Filipino nga nag-perform sa prestihiyoso nga Carnegie Hall sa New York sang 19-anyos pa lamang ini.
Sa interview sang Bombo Radyo kanday Gilbert,Sicilliene kag Farida Kabayao, kabataan ni Gilopez, ginpahayag nila nga dako nga dungog para sa ila nga kabahin sila sang legasiya nga ginbilin sang ila nga amay.
Suno sa ila, magapabilin nga buhi ang kontribusyon sang ila amay sa patag sang musika.
Nahibaluan nga si Kabayao ang nominado man sang Iloilo City government para sa “Order of the National Artist” subong nga 2024.
