Nagalaom kuntani ang Western Visayas Transport Cooperative nga nadala sa gintalakay ni President Ferdinad Marcos Jr. sa iya nga 2026 State of the Nation Address ukon SONA ang pagpataas sang pamasahe para sa mga public transport drivers.
Sa interview sang Bombo Radyo kay Raymundo “Boyet” Parcon, chairperson sang Western Visayas Transport Cooperative, ginpahayag sini nga nagalaom sila nga may bag-o nga mga polisa ang gobyerno nga makabulig sa ila nga mga transport sector.
Suno kay Parcon, kinahanglan nga mapataas ang plete agud makasustener ang mga driver sa padayon nga pagsaka sang presyo sang nagapanguna nga balaklon ilabi na ang gatong bilang nagapanguna nila nga kinahanglan sa pagbyahe.
Dugang pa sini, bilang kabahin sang transport sector, nagalaom gid sila nga mabatyagan man sang gobyerno ang ila nga mga ginapanawagan.
Suno pa kay Parcon, ang ginahatag nga fuel subsidy isa lamang ka temporaryo nga bulig, mas maayo kun madugangan ang pamasahe imbes nga magsalig lamang sa subsidya halin sa gobyerno.
Gani, panawagan sang grupo nga mapatuman ang bisan piso nga pagsaka sa plete agud mabuligan ang mga driver nga mapadayon ang ila operasyon.
