Ang State of the Nation Address (SONA) amo ang once-a-year event kun san-o gina-address sang presidente sang Pilipinas ang Kongreso kag ginahatagan sang mga update ang pumuluyo may kaangtanan sa socio-economic status sang pungsod. Diri man ginaplastar sang presidente ang iya nga mga programa kag kun ano na ang mga hinimuan sang administrasyon.
Karon na sa hapon ang labing-una nga SONA ni President Ferdinand Marcos Jr. nga mabatian kag malataw sa tanan nga digital platforms sang Bombo Radyo Philippines.
Yari anay ang pila sa mga interesting trivia may kaangtanan sa SONAs sang nagligad nga mga presidente.
MANUEL QUEZON
Si Manuel Quezon ang una nga Philippine president nga nag-deliver sang SONA. Natabo ini sang 1935.
Sa iya nga pagpungko bilang presidente, pito ka SONAs ang iya nadul-ong nga lunsay ginpatigayon sa Legislative Building sa Manila.
Ang katapusan niya nga SONA ang natabo sang 1941.
Wala sang SONA sang 1942 tubtub sang 1944 bangud sang Japanese occupation.
JOSE P. LAUREL
Isa si Jose Laurel sa duha ka presidente sang Pilipinas nga wala nag-deliver sang SONA. Ang isa amo si Emilio Aguinaldo.
Ini bangud sang tion nga sila ang presidente, wala gina-require sang Konstitusyon ang presidente nga mag-address sa Congress sa opening session. Nag-deliver lamang si Laurel sang iya first and only message sa special session sang National Assembly nga ginpamunuan ni Speaker Benigno Aquino sang October 18, 1943, apat ka adlaw matapos gin-establish ang Republic.
SERGIO OSMEÑA
Gin-deliver ni Sergio Osmeña ang iya una kag nagaisahanon nga SONA sang 1945.
Ginpatigayon sini ang iya nga 4,525-word speech sa Temporary Congress Building sa Lepanto Street, Manila.
MANUEL ROXAS
Nag-deliver si Roxas sang tatlo ka mga SONA sang tion nga siya ang presidente — sang 1946 tubtub sang 1948.
Ang iya nga 1946 SONA ang gin-deliver sa last Congress sa idalom pa sang Commonwealth, samtang ang iya duha ka katapusan nga SONAs ang gin-deliver naman sa First Congress sa idalom sang republic government. Ini tanan gin-conduct sa Temporary Congress Building.
ELPIDIO QUIRINO
Lima ka mga SONA ang gindul-ong ni Elpidio Quirino — 1949 tubtub sang 1953. Apat diri ang na-deliver sa House Session Hall sang Legislative Building sa Manila; samtang ang iya naman 1950 SONA ang ginpabati lang via radio broadcast kag gin-air live sa Congress. Sang amo nga tion, na-confine ang presidente sa Johns Hopkins Hospital sa Baltimore, Maryland, USA kag amo pa lang naga-recover. Siya ang una kag naga-isahanon nga presidente sang Pilipinas nga wala nag-atubang sa Congress samtang naga-deliver sang iya nga speech.
RAMON MAGSAYSAY
Apat ka mga SONA ang na-deliver ni Ramon Magsaysay sa iya presidency halin sang 1954 tubtub sang 1957.
Gin-deliver ini tanan sa House Session Hall sang Legislative Building sa Manila. Ang iya apat ka SONAs ang may yara sang kabug-usan nga 19,208 words.
CARLOS GARCIA
Apat man ka SONAs ang ginpatigayon ni Carlos Garcia sang siya ang presidente halin sang 1958 tubtub sang 1961.
Gin-deliver ini tanan sa House Session Hall sang Legislative Building sa Manila. Nagdangat sa 32,447 ang word count sa apat ka mga SONA.
DIOSDADO MACAPACAL
Apat man ka SONAs ang ginpatigayon ni Carlos Garcia sang siya ang presidente halin sang 1961 tubtub sang 1965.
Gin-deliver ini tanan sa House Session Hall sang Legislative Building sa Manila. Nagdangat sa 37,412 ang word count sa apat ka mga SONA.
FERDINAND E. MARCOS
20 ka mga SONA ang na-deliver ni Ferdinand Marcos, ang pinakadamo nga SONAs nga na-deliver sang isa ka presidente sa maragtas sang Pilipinas.
Ang iya una pito ka mga SONAs (1966-1972) ang ginpatigayon sa House Session Hall sang Legislative Building.
Sang ginpatuman ang martial law kag gin-abolish ang Congress sang 1972, lain lain na ang venue sang SONA – Malacañang sang 1973 kag 1974, Quirino Grandstand sang 1975, Philippine International Convention Center sang 1976, kag Rizal Park sang 1977.
Sa sini nga mga tuig, gin-deliver ang SONA sa Septyembre 21 kadungan sang anibersaryo sang pagpatuman sang martial law.
Sang may yara na sang 1973 Constitution, gin-set ang SONA sa kada ika-apat nga Lunes sang Hulyo kag ginbalik ini sa Batasang Pambansa.
Istrikto ini nga ginsunod magluwas lang sang 1983 sang gin-deliver ang SONA sang Enero 17.
Ang 20 ka mga SONA ni Marcos ang may yara sang 212,510 words.
Ang iya nga 1969 speech amo ang ginakabig nga longest SONA sa maragtas sang pungsod.
CORAZON AQUINO
Lima ka mga SONA ang na-deliver ni Corazon Aquino halin sang 1987 tubtub sang 1991.
Ang iya lima ka SONAs ang may yara sang combined total nga 21,213 words.
FIDEL V. RAMOS
Anum ka SONAs ang nahatag ni Fidel Ramos halin sang 1992 tubtub sang 1997. Nagdangat sa 30,760 ang kabug-usan nga word count.
JOSEPH ESTRADA
Tatlo ka SONAs ang nadul-ong ni Joseph Estrada sa iya presidency halin 1998 tubtub 2000. Yara sa 16,436 ang total word count.
GLORIA MACAPAGAL ARROYO
Siyam ka mga SONA ang gin-deliver ni Gloria Macapagal Arroyo sa iya termino — 2001 tubtub sang 2009.
Ang 2005 speech amo ang pinakamalip-ot nga SONA sa maragtas kun basehan ang word count.
BENIGNO S. AQUINO III
Anum ka SONAs ang na-deliver ni Benigno Aquino halin sang 2010 tubtub 2016. Sang 2010, sa iya labing-una nga SONA, gingamit sini ang Filipino language sa iya nga speech. Siya ang nagaisahanon nga presidente nga naghimo sini.
RODRIGO DUTERTE
Anum man ka mga SONA ang nadul-ong ni Rodrigo Duterte.
Sang 2016, sa iya first SONA, isa ka oras kag 32 minutos ang ginlawig sang iya nga speech.
Sang 2017, nagdangat sa 12,527 ang word count kag halos duha ka oras ang kalawigon.
###
