Naguba ang 11 ka mga balay, samtang nagkulob naman ang duha ka mga ka sakayan pandagat sa Brgy. San Angel, San Jose, Antique matapos nga gin-agyan sang buhawi.
Suno sa Provincial Disaster Risk Reduction and Management Office (PDRRMO) Antique, ang 11 ka mga balay ang partially damaged samtang ang duha ka nagkulob nga sakayan pandagat ang lunsay ginagamit sa pagpangisda.
Dugang pa, ang buhawi nagporma bangud sa mga thunderstorm nga nagbutong sang hangin.
Nagbilin naman sang kahalitan ang amo nga insidente sa Brgy. San Angel, Brgy. Maybato North, Brgy. 4, kag Brgy. Malaiba sa San Jose, Antique.
