13 ang kumpirmado nga patay matapos nahulog sa irrigation canal ang isa ka sports utility vehicle sa Barangay Bulo, Tabuk City, Kalinga.
Suno kay Kalinga Police Provincial Director Police Col. Davy Limmong, nadulaan sang kontrol ang driver sang Ford Everest nga may Plate No. AAK 9184 rason nga nagdiretso ini sa irrigation canal .
Ang salakyan ang ginamaneho ni Jail Officer 1 Soy Lope Agtulao, 36-anyos nga BJMP personnel nga residente sang Cagubatan, Tadian, Mountain Province.
Ginapahayag 15 ang sakay sang salakyan.
11 sa mga biktima nga ginalakipan sang pito ka mga babaye kag apat ka mga lalaki ang gin-anunsyo nga dead on arrival sa Mejia Kim Medical Center sa Barangay Agbannawag,Tabuk City.
Ang duha ka iban pa nga mga biktima ang gin-anunsyar man nga dead on arrival sa Kalinga Provincial Hospital sa Barangay Bulanao, Tabuk City.
Santo sa inisyal nga imbestigasyon, padulong kuntani ang mga pasahero sa Bulo Lake, isa ka bantog nga tourist spot sa amo nga syudad.
Ang mga napatay amo ang mga masunod: driver sang salakyan nga si Jail Officer 1 Soy Lope Agtulao, Sidewyn Agtulao, Sywin Agtulao kag Sonnie Lope — lunsay residente sang Tadian, Mt. Province.
Ang siyam ka iban pa nga mga biktima nga lunsay halin sa Purok 1, Bulanao, Tabuk City amo sanday Jessiebel Paycao, 3 anyos nga si Scarlet; 31 anyos nga si Judilyn Talawec Dumayon, Alfredo Cotit Lope, 59 anyos nga si Remedios Longey Basilio; 5 ka tuig nga si Sedarn; 4 ka tuig nga si Jeslyn; Marlo Perenia kag Paycao Cydric.
Padayon naman nga ginabulong sa ospital ang duha ka survivors nga amo sanday Edith Perez kag Cyrel Agtulao.
Ginapahayag pagkalumos ang rason sang kamatayon sang mga biktima apisar nagtinguha man ang rescue groups nga maluwas sila sa gilayon.
