Patay ang indi magnubo sa 16 tanan ka mga tawo lakip na ang anom ka mga pulis matapos ang separado nga pagpangluthang sang pusil nga natabo sa Honduras, Central America.
Sa nauna nga insidente 10 tanan ka mangunguma ang ginbawian sang kabuhi matapos ginluthang-patay sang mga armado nga lalaki.
Samtang, sa ikaduha naman nga pag-pang-atake natabo sa Omoa malapit sa border sang Guatemala.
Ini nga mga insidente nagakatabo sa tunga sang madugay na nga problema sang Honduras sa krimen may kaangtanan sa gang kag iligal nga droga.
Nagpadala na sang nagakaigo nga pwersa ang gobyerno sang nasambit nga pungsod para sa imbestigasyon kag seguridad sa mga apektado nga lugar.
