Ginapatuman ang work from home arrangement sa regional kag provincial offices sang Department of Trade and Industry (DOT) Region VI subong nga adlaw kag magalawig tubtob bwas, Hunyo 2.
Ini ang tikang sang ahensya kasunod sang pagpositibo sang duha ka personnel sa COVID-19.
Sa interview sang Bombo Radyo kay DTI Regional Director Rebecca Rascon, iya ginpahayag nga naka-self quarantine na subong ang isa ka empleyado samtang ang isa ang yara na sa ospital.
Padayon naman ang contact tracing sa ila nga naka-close contact bangud ginapahayag mobile ang assignment sang duha ukon nagasaylo-saylo sila sa mga building.
Ginpahayag ni Rascon nga ang frontline services kaangay sang Business Name Registration kag Sales Promo Permit applications ang available man gihapon sa Iloilo Provincial Office.
