Pilason ang duwa ka Grade 11 students matapos ginbuno sang ila classmate nga ginaalegar ginpilit nila nga maggamit sang marijuana.
Natabo ini sa sulod mismo sang Cabaluay National High School sa Barangay Cabaluay, Zamboanga City, Miyerkules sang aga, Hulyo 1, 2026.
Ang suspek amo ang 17-anyos nga Grade 11 student nga residente sang Zone 2, Barangay Cabaluay.
Ang mga biktima ang pareho nagaedad sang 16.
Base sa imbestigasyon, ginasunlog kag ginapilit sang mga biktima nga maggamit sang marijuana ang suspek.
Suno nga nagtapungulay ang mga ini kag nagkuha ang suspek sang kutsilyo kag ginbuno ang mga biktima.
Gindala sa ospital ang mga pilason kag yara na sa stable nga kondisyon.
Padayon pa ang imbestigasyon sang otoridad angot sa insidente.
