Ginsunog sang ginapatihan myembro sang New People’s Army (NPA) ang duha ka motorsiklo sa Brgy. Pudpud, Miag-ao, Iloilo.
Ang mga motorsiklo ang ginapanag-iyahan sang mga myembro sang Citizen Armed Forces Geographical Unit (CAFGU).
Sa interview sang Bombo Radyo kay Police Major John Kenneth Tumambing, hepe sang Miag-ao Municipal Police Station, iya ginpahayag nga mga myembro sang Suyak Platoon sang Komiteng Rehiyon Panay-Southern Front Committee ang sa likod sang pagpang-atake.
Suno kay Tumambing, gintuyo nga halitan sang mga rebelde ang detachment unit sang CAFGU sa idalom sang 3rd Infantry Battallion sang Philippine Army kag ginsunog lang ang mga motorsiklo sang mga ini agud malikaw ang ila atensyon.
Samtang, nagpanawagan man si Lt Col. Joel Benedict Batara, commander 61st Infantry Battalion sang Philippine Army nga magsungka na ang mga rebelde sa sabak sang gobyerno.
