Duha ka panibag-o nga variant sang coronavirus ang natumod sang health authorities sa England.
Suno sa government advisory scientific committee, nakit-an nga may similarities sa South African kag Brazilian variants ang duha ka bag-o nga variant sa amo nga pungsod.
Ang isa ka variant ang na-identify sa Bristol kag gin-designate sang New and Emerging Respiratory Virus Threats Advisory Group bilang “Variant of Concern.”
Ang isa pa ka variant ang nakit-an sa Liverpool kag gin-designate naman sang amo man nga grupo bilang “Variant under Investigation”.
Ang nasambit nga variants ang may yara sang E484K mutation nga amo man ang yara sa South African kag Brazilian variants nga amo ang ginakahangaw-an sang bilog nga kalibutan.
Santo sa record sang Public Health England, nagsaka na sa 76 ang COVID-19 cases bangud sang duha ka nasambit nga new variants apang nagapati ang mga opisyal nga masarangan ini tapna sang bakuna.
