ILOILO CITY-Ginkondenar sang Police Regional Office 6 ang natabo nga pagpapalupok sang improvised explosive device sang New People’s Army sa tropa sang Iloilo Mobile Force Company sa Tubungan, Iloilo.
Sa interview sang Bombo Radyo kay Pol. Lt. Col Joem Malong,tagpamaba sang Police Regional Office 6, iya ginpahayag nga dismayado sila bangud natabo ang insidente kasunod sang pagdeklarar sang unilateral ceasefire sang gobyerno sa rebelde nga grupo.
Suno kay Malong,mas maayo nga lang i -lift na lang Suspension of Offensive Police Operation (SOPO) bangud sa ginhimo sang rebelde nga grupo.
Nahibaluan nga duha ka pulis ang napilasan sa natabo nga pagpang-atake samtang padulhog ang PNP convoy sa Singon, Tubungan, Iloilo.
