Nagapabilin nga at large ang suspek sa natabo nga pagpangluthang sa isa ka namatyan sa Barangay Quinaspan, Alimodian sang kaagahon sang Hunyo 28.
Ang mga biktima amo sanday alyas “Ariel”, 41-anyos, isa ka call center agent kag alyas “Francis” nga isa ka delivery boy.
Ang suspek amo si Jun Leo Ambong Alba, ginapahayag nga empleyado sang LGU sang Alimodian.
Base sa imbestigasyon, may natabo nga pagbaisay sa tunga sang suspek kag ni Ariel bangud sa bangkahanay.
Hinal lang gintiro ni Alba si Ariel samtang nasalabat naman si Francis.
Nag-angkon si Ariel sang pilas sa dughan kag tiyan samtang si Francis naman ang may igo sa tiyan.
Gindala pa ang mga ini sa ospital apang wala na natabangan.
Sa interview sang Bombo Radyo kay PLt. Col. Arnel Solis, spokesperson sang Iloilo Police Provincial Office, iya ginpahayag nga
subong, padayon ang pagpangusisa sang otoridad agud matul-id ang natabo.
Suno kay Solis, ginaisa-isa man nila pamangkot ang mga tawo sa lugar kun sa diin natabo ang krimen.
