ILOILO – Tuman nga kasadya kag bugal ni Iloilo City Mayor Jerry Treñas ang 27 ka mga barangay sa syudad nga gindeklera
nga drug cleared matapos ang ginpatigayon delibration sang Official Regional Oversight Committee.
Sa interview sang Bombo Radyo kay Mayor Treñas, isa ka dako nga kadalag-an para sa Iloilo City Government ang
pagdeklara sa 27 ka mga barangay sa syudad nga sa 61 na sa pangkabilugan.
Suno sa alkalde, dako man ang nangin bulig sang mga pumuluyo kag nagkalain-lain nga ahensya sa syudad agud
matigayon ang nasambit nga kadalag-an.
Dugang sang natungdan, apisar nga madamo na ka mga barangay ang na deklara nga drug cleared padayon sa
gihapon ang kampanya nila agud ma ubos na ang tanan ka mga barangay sa syudad bangud sa 101 ka mga barangay
nga nag apply 61 lang diri ang na approved kay may yara pa sang nabilin.
Santo sa pahayag ni Mayor Treñas, tinghuaan pa gid nila nga madugangan ini sa madasun nga tuig.
Ang mga gindeklarar nga barangay amo ang:
City Proper:
Danao
Flores
Gloria
Hipodromo
Kahirupan
Kauswagan
Legaspi De La Rama
Magsaysay
Maria Clara
Ortiz
Osmeña
President Roxas
Rizal Ibarra
Veterans Village
Lapuz:
Libertad
Arevalo:
Mohon
Sta. Filomena
Jaro:
Democracia
El 98 Castilla
Lopez Jaena
Our Lady of Fatima
Our Lady of Lourdes
San Jose
San Roque
Seminario
Mandurriao:
Santa Rosa
Taft North
Pasado ang mga nasambit nga barangay sa pagsulundan kag parameter sang Philippine Drug Agency 6 matapos ang ginpatigayon nga delibration sang Official Regional Oversight Committee gani na deklara nga drug cleared ini
Sa interview sang Bombo Radyo kay Alex Tablate, Officer incharge sang PDEA 6 iya ginpahayag nga ang mga
pagsulundan kag parameters nga ginhatag sang ila talatapan nga nagakinahanglan pasaron sang mga barangay amo
ang masunod.
Wala na sang ang supply sang ilegal nga droga sa ila lugar, wala sang drug transit, drug lab, drug warehouse, chemical
warehouse, marijuana cultivation area, drug den, resort, drug pusher, drug protector, aktibo ang mga opisyal sa anti drug activities, aktibo man ang Sanguniang Kabataan may yara sang mga progrm para sa mga drug surenderees kag pumuluyo, may yara sang voluntary kag compulsory drug treatment desk kag drug rehabilitation preocessing drug treatment.
Suno kay Tablate, sa tion nga ma deklara nga drug cleared ang isa ka barangay nagakadapat nga imaintain nila ini kag iga monitor sila nga mga kapulisan.
