JANIUAY, ILOILO – Nagapabilin nga palaligban ang kamatayon sang 27 ka mga pabo sa Sitio Ermita 1 Barangay Bongol, Janiuay, Iloilo.
Sa interview sang Bombo Radyo kay Hernando Mandar, caretaker sang nasambit nga mga pabo, iya ginpahayag nga nakibot na lang siya sang nagkalamatay na ang mga kasapatan sang iya ginpadulungan ang kurungan sang mga ini.
Suno kay Mandar, sang ginlantaw sini ang mga pabo, may mga inagyan sila sang kagat sa idalom sang pakpak nga ginapatihan kag ginsuyop pa ang ila dugo.
Duha naman sa mga pabo ang ginkaon ang kasudlan kaangay sang tinae kag atay.
Gin-athag sini nga wala man sang patimaan nga may inagyan sang dako nga sapat ang kurungan sang mga pabo.
Ini naman ang una nga kahigayunan nga may kaangay nga insidente nga natabo sa lugar.
