ANTIQUE – Patay ang tatlo ka mag-ulutod matapos nalunod sa suba sa Brgy. Cansilayan sa Valderrama, Antique.
Ang mga biktima amo sanday Maricel Canja, 17, Maria Canja, 15, kag Ruben Canja, 11.
Nakaluwas naman ang isa pa nila ka utod nga si Victor, 13.
Ang mga biktima ang lunsay residente sang Brgy. Culyat, Valderrama.
Sa interview sang Bombo Radyo kay Police Capt. Narciso Sables, officer in charge sang Valderrama PNP, iya ginpahayag nga wala sang upod nga ginikanan ang apat ka mag-utod sang nagtabok sila sa suba agud magpauli sa ila nga balay.
Ginapahayag nga mabaskog ang daludo sang tubig.
Narecover ang bangkay ni Maria kag Ruben sa Cangaranan River sa Brgy. Cansilayan samtang sa Brgy. Lublub naman nakit-an si Maricel.
Padayon pa ang imbestigasyon sang mga pulis.
