ILOILO CITY – Balantayan ang ginapabugal nga 360 degrees performance sa Opening Salvo sang Dinagyang Festival 2020.
Sa interview sang Bombo Radyo kay Elvert Bañares, Chairman, Committee on Judges kag Souvenir Program, iya ginpahayag nga ang tanan nga tumalan-aw ang makakita gid sang world class performance sang tagsa ka tribu nga magapakigbahin sa Dagyang sa Calle Real kag Dinagyang 360 degrees.
Suno kay Bañares, gindula na ang paggamit sang dalagku nga risers kag sa baylo, props na lang ang gamiton agud nga indi matabunan ang performance sang barangay kag school-based tribes.
Ginpahayag ni Bañares nga magasentro sa endemic kag endangered species ang tema kag iya na lang ginatugyan sa mga tumalan-aw ang paghusgar sa Opening Salvo.
