Magalawig tubtob sa Abril 5 ang lockdown sa munisipyo sa banwa sang Sta. Barbara, Iloilo.
‘Las tres kahapon sang hapon sang nag-umpisa ang pagpatuman sang lockdown sa bilog nga municipal hall work complex kasunod sa pagpositibo sa COVID-19 sang anum ka mga regular nga empleyado.
Tatlo sa nagpositibo sang naghalin sa Municipal Budget Office; duha ang naghalin sa Municipal Social Welfare and Development Office (MSWDO); kag isa ang halin sa Accounting Office.
Sa interview sang Bombo Radyo Radyo kay Mayor Rema Somo, iya ginpahayag nga dala man sa lockdown ang tanan nga building nga malapit sa munisipyo.
Bangud sini, suspendido ang tanan nga operasyon nga nasakupan sang munisipyo magluwas lang sa Rural Health Unit kag Municipal Disaster Risk Reduction and Management Office.
Indi man apektado ang public market sa amo nga banwa, ang Philippine National Police, kag ang Bureau of Fire Protection.
Sa subong suno kay Somo, ginapatigayon pa ang zoning containment, contact tracing, kag decontamination.
Nahibaluan nga 39 na ang active cases sang COVID-19 sa amo nga banwa kag lunsay man nagasunod sa quarantine protocol.
