May pito pa ka active cases sang COVID-19 sa Guimaras Police Provincial Office (GPPO).
Sa interview sang Bombo Radyo kay Police Colonel Pablito Asmod, director sang GPPO, iya ginpahayag nga duha sa sini nga pasyente ang naghalin sa headquarters sa GPPO, isa sa mobile group, kag lima halin sa Sibunag Municipal Police Station.
Indi pa maathag kun paano natapikan sang virus ang mga police personnel.
Suno kay Asmod, pila sa sini nga mga pulis ang nagatabok-tabok halin sa Guimaras padulong sa Iloilo City and vice versa para sa schooling.
Ginpaidalom sa swab test ang ini nga mga pulis bangud requirement ang RT-PCR Test result sa sini nga schooling.
May isa man ka personnel nga kadungan nila nga na-infect sang virus apang subong naka-recover na.
Ginpatigayon na ang contact tracing kag negatibo sa COVID-19 ang naka-close contact sang mga pulis.
