ILOILO CITY- May isa ka 70-anyos nga naga- claim nga wala gid ini nakainom sang bisan isa ka tulo sang tubig sa nagligad nga 50 ka tuig.
Ini amo si Roberto Pedreira sang Bahia, Brazil.
Suno sa iya, indi gid ini makasaho mag-inom sang tubig, gani ang iya ginainom halin sang una…soda ukon softdrink.
Apisar madamo sang wala nagapati sa iya, ang iya apo nga 27-anyos ang nagkumpirma nga humalin sang natubuan siya sang buot, wala gid niya makita ang iya lolo nga nagainom sang tubig kag pirmi lang softdrink.
Bisan mag-inom sang bulong, softdrink ang iya gina-pares kag indi tubig.
Apisar nga mabatyagan niya nga indi maayo ang epekto sini sa iya ikaayong lawas, wala siya sang plano nga untatan ini.
Ang mga doktor nga nagbulong sa iya ang isa lang ang ginahingyo sa iya– mag-inom sang tubig apang daw wala lang ini sa iya bungog.
Sa pagkamatuod, ang 70 -anyos nga lolo ang nagasuprir sang diabetes, may problema sa iya heart kag nagsuprir na gani sang heart attack apang wala gid ini sang plano nga mag-inom sang tubig.
