ILOILO CITY- Sang panahon nga yara pa kita sa kasagsagan sang Coronavirus disease (COVID-19) pandemic, halos indi naton ma- imagine nga makaangkon kita sang amo nga balatian bangud kabaylo sini amo nga ma-quarantine kita sang pila ka semana, indi naton mapalapitan ang aton pamilya, kag madamo pa nga konsekwensiya nga dala.
Apang wala ina kun ipaanggid sa inagihan sang isa ka pasyente sa Netherlands nga ang iya pag-antos sang COVID-19, naglawig sang 613 ka adlaw ukon kapin sa 20 ka bulan.
Ang pasyente isa ka 72-anyos nga lalaki nga na-infect sang Omicron variant sang 2022 apang nag-angkon sang severe immunity deficiencies matapos gintublukan sang multiple Covid shots.
Humalin sadto, wala na nag-untat ang pag- positibo niya sa coronavirus nga naglab-ot sa 613 ka adlaw.
Sa amo nga kalawig nga pag-antos, gintinguhaan sang mga doctor nga buligan ang tigulang apang ang iya lawas ang indi makasarang nga magbato sa virus bisan pa sa bulig sang antibody medication.
Sa malain nga palad, siya ang napatay gid sang Oktubre sang nagligad nga tuig kag siya subong ang ginakabig sang mga researchers nga longest-ever known case of SARS-CoV-2 infection.
