Gin-aresto sang mga otoridad ang masobra 78 ka mga foreign nationals sa ginpatigayon nga raid sa ginasuspetsahan ilegal nga pasilidad sang Philippine Offshore Gaming Operator (POGO) sa Cubao, Quezon City, sang Lunes, Oktubre 12.
Ginpatigayon sang Bureau of Immigration’s (BI) Intelligence Division ang operasyon kaupod ang Armed Forces of the Philippines’ National Capital Region Command sa Barangay Soccoro.
Nahibaluan nga kabahin sa mga naaresto ang 74 ka Chinese nationals, samtang duwa naman ka indibidwal ang gikan sa Myanmar.
Suno sa BI, ikaduwa na nila ini nga raid sa kaangay nga iligal nga aktibidad, sa sulod sang duwa ka bulan.
Ipaidalom sa inquest proceedings ang mga foreign nationals kag pagaatubangon ang deportation proceedings.
Mangin blacklisted naman sa pungsod ang mga ini.
Dugang pa sang ahensya, padayon nila nga ipatuman ang layi batok sa iligal nga mga POGO operations.
Text By: Bombo Kenea Hope Dellaba
