Ginkumpirma sang Department of Health nga isa na ang napatay sa Pilipinas bangud sa UK variant ukon mas makalalaton nga variant sang COVID-19.
Suno kay Health Undersecretary Maria Rosario Vergeire, ang pasyente nga ginbawian sang kabuhi amo ang 84 anyos nga lalaki nga taga-La Trinidad, Benguet.
Ginatinguhaan pa sang health authorities nga makakuha sang dugang nga detalye angot sa amo nga pasyente.
“Nung kausap natin yung regional office natin, they said this person never went out, seldom. Nandun lang daw sa loob ng bahay at walang ibang contact. Tinitignan natin ano yung source ng infection and ano ang ibang circumstances,” pahayag ni Vergeire.
Ang Pilipinas ang may yara na sang kabug-usan nga 25 ka reported cases sang UK variant sang COVID-19. Sa sini nga numero, 2 ang active cases kag 22 ang nakarecover.
As of February 8, ang pungsod ang may yara na sang 538,995 ka total confirmed cases sang coronavirus, 27,992 ang active cases, 499,772 ang reported recoveries, kag 11,231 ang reported deaths.
