ILOILO CITY — Nagpinadayaw na naman ang mga menor de edad nga katapo sang gang sa syudad sang iloilo sa bisperas sang New Year.
Ini matapos nga nagpamaligya sang isog ang isa ka katapo sang BRB ukon Be Right Back Gang sa Rizal Pala-pala II.
Suno kay Brgy. Kagawad Noel Soliman, ginrespondehan nila ang isa ka tawag nga angot sa kinagamo sa diin ginsapote ang isa ka kinse anyos nga katapo sang gang nga ginkilala gid lamang kay certain Jasper.
Sa ila pag-abot sa lugar, ginhunusan pa ni Jasper sang kutsilyo ang amay sang nakasumpong sini nga gintawag sini nga si Bro.
Aminado man si Kagawad Soliman nga kilala na sa ila barangay nga dungol si Jasper kag ginapatihan pa nga nagagamit ini sang solvent nga rugby kaupod sang iban pa nga katapo sang gang sa lugar.