ILOILO CITY — Lunsay nagkaladakpan ang mga nagpinalupok sang armas luthang sa bisperas sang bag-ong tuig sa distrito sang
Jaro.
Ginreklamo si Herman Ledonio III sang San Isidro Jaro matapos ginpalukpan sini ang mga nagatipon-tipon sa gwa sang tiangge ni Sheila Sucgang sang amo man nga lugar.
Una na nga nagpanginwala ang suspek apang sang ginpilit sang pulis kag ginbalikan ang lugar, gintudlo sini ang .38 revolver nga armas nga yara nahamtang sa idalom sang pulongkoa-an sang iya multicab.
Hugot gid sini nga ginpanginwala ang reklamo batok diri kag ginbasol ang anay karelasyon nga si Christie Calmorin nga amo ang nagapanggarit-garit sa iya.
Samtang sa kaangot naman nga balita, ginpanginwala naman sang gwardiya nga gin-aresto tungod sang pagpalupok sang iya .9mm service pistol ang reklamo batok sa iya.
Suno kay Edinel Cansiran, security guard sang TRZ Lending company sa commission civil jaro Iloilo City, aminado ini nga iya ang basiyo sang bala nga narecover sa lugar apang gin-insister sini nga blangko ini kag nahulog gid lamang sang pagkuha niya sang magazine.