ILOILO CITY — Katunga sang mga nalukpan sang New Year’s eve ang mga kabataan.
Sa walo nga nabalhag opisyal sa monitoring sang Bombo Radyo, apat diri ang mga kabataan nga ginatapu-an nanday Rose Ann, 7 ka tuig sang boulevard Molo, nga ginhabuyan sang Piccolo kag napilasan sa kamot kag guya, Andrew, 12 anyos sang Malije Miagao nga nalukpan sang ginapahayag trayanggulo kamot,Toto, 11 anyos sang Cabanga-an, Badiangan nga nalukpan man sang piccolo sa kamot kag isa ka certain ervic, 14 anyos sang Fajardo jaro nga nag-angkon sang lastro sa guya sang malukpan sang kamara.
Nagdugang naman sa record ang duha ka aksidente nga malukpan nga sanday federico palec, 53 anyos sang Poblacion Banate nga nalukpan sang ginapahayag daku nga kamara sang maglabay ang ginasakyan nga motoriklo, kag Irene Sepella sang Higato Dumarao capiz nga aksidente nga nalukpan sang pwitis sa wala nga dulonggan sang maglabay sa kudal sa ila lugar nga nasab-itan sang pwitis.
Nasal-an naman nga pasirit sang aminado nga nakainom nga si Flor Terco, 60 anyos sang Calaparan Arevalo ang ginhatag sang iya amiga nga palupok nga ginkumkom sini sang wala nga kamot kag naglupok diri.
Samtang nagdugo gid ang mata kag nag-angkon sang paso sa nagkalain lain nga bahin sang lawas si Reynaldo Jaleco 51 anyos Zone 2 Bo. Obreo Lapuz matapos nga ginhabuyan sang kamara sang nagapungko ini sa gwa sang ila balay bisperas sang bag-ong tuig.