Pamilya sang na missing na crew sang naglubog nga MV Starlite Atlantic, wala nagakadulaan sang paglaom nga makita ang ila himata

Nabuhian sang paglaom ang pamilya sang mga na missing nag crew sang naglubog nga MV Starlite Atlantic nga makit-an nila ang ila mga himata.
Sa exclusive interview sang Bombo Radyo kay Mr Roger Acuesta, utod sang na missing nga deck cadet nga si Glecie Acuesta sang Oton, Iloilo, nakabaton sila sang impormasyon sa mga manugpangisda halin sa Mindoro nga may nakit-an sila nga indi pamilyar nga nawong sa isla sang itio Talaotao, sa Looc Occidental Mindoro.
Nahibaluan nga isa ka tawo lang ang naga istar sa nasambit nga isla gani nakibot ang mga manugpangisda sang nakit-an nila nga may walo ka mga tawo nga nagalagaw sa higad sang baybay.
Ginpalab-ot naman ini sang mga manugpangisda sa search and rescue team kag ginkalipay sang pamilya sang mga na missing nga crew sa diin nagalaom ang mga ini nga himata nila ang nakit-an nga mga tawo sa isla.