Kanselado ang byahe sang mga sakayang pandagat nga may byahe pa Bacolod, Cebu, kag Cagayan.
Sa interview sang Bombo Radyo kay Lieutenant Commander (LCDR) Ramil A. Palabrica, Philippine Coast Guard (PCG)-Iloilo station commander, ginpahayag sini nga temporaryo anay nila nga ginkansela ang byahe sang RORO kag fastcraft padulong sa Bacolod kag Cebu kag padulong sa Mindanao.
Ini agud malikawan ang aksidente sa kadagatan, ilabi na nga ginpaidalom na sa Signal Number 1.
Indi naman pag ibalik ang byahe sa tion nga indi makakas ang signal number 1 sa nasambit nga mga lugar.
Kapin sa 1,000 naman ka mga pasahero ang stranded subong sa mga pantalan.
Gin athag naman ni Palabrica nga padayon sa gihapon ang byahe sang mga pumpboat nga may byahe Iloilo-Guimaras Vice Versa.