(ILOILO CITY) – Nagamato-mato nalang sa pagdispose sang ila mga tagsa-tagsa ka basura ang mga pumuluyo sang Dueñas, Iloilo.
Ini matapos nga permanente nga ginpasirado ang open dumpsite sang banwa malapit sa public cemetery.
Suno sa tagreklamo nga si Mark Christian Hao, residente sang amo nga banwa, nagakabalaka na ang mga pumuluyo sa risgo kag halit nga dala sang mga basura nga indi ma-dispose sang insakto.
Alabagahon ini sang pumuluyo suno kay hao kag kunatani gilayon aktuhan sang banwa sa pagpamuno ni Mayor Mamerto Pelopero III.
Sa sabat naman sang alkalde, ginpahayag ni Mayor Mamerto Pelopero III nga ginpasirado sang banwa ang open dumpsite pagkatapos nga nakabaton sang mandu nagikan sa Environmental Management Bureau (EMB) nga ginadumili-an na ang pagmentenar sang open dump site.
Gin-abisuhan man sini ang mga kabaranggayan nga istrikto nga ipatuman ang Material Recovery Facility (MRF) sa diin ang mga indi madunot ang ila dapat nga dal-on sa banwa kag ipabilin naman ang mga mga madunoton nga basura.