ILOILO CITY – Gintuad sang isa sa mga myembro sang Roll Up Gang ang mga katontohan nga ginahimo sang ila grupo.
Sa exclusive interview sang Bombo Radyo kay alyas Bryan, gin ako sini nga isa sa mga initiation nila antes magsulod sa grupo amo ang pagpangawat sa mga Malls kag Convenience Store sa Syudad sang Iloilo.
Magluwas diri, ginapangsumbag lang ang mga lalaki nga myembro agud mahibaluan kun bala ano sika kabakod.
Samtang ang mga babaye naman nga myembro ang wala nila ginasakit sa diin gina nobya pa ang mga ini sang ila man nga kaupod sa Gang.
Nagabalon naman ang mga ini nga sundang sa ila paglagaw agud gamiton nga depensa sa tion nga makakita sang mga konta.
Nahibaluan nga nagdamo ang mga myembro sang Roll Up Gang pinaagi lang sa Facebook.