ILOILO CITY — Ginkumpirma sang spokesperson sang Iloilo Provincial Police Office PCI Aron Palomo nga nakit-an ang presensya ni Richard Prevendido sa duha ka mga banwa sa probinsya sang Iloilo.
Una ini namonitor sang otoridad sa mga paryente sini sa Brgy. Agsalanan Dingle, Iloilo.
Pahanumdom ni Palomo sa mga himata sini, tungod wanted si Prevendido mahimo sila nga mapasakaan sang kaso pananglitan madakpan ini.
Namonitor man sang otoridad ang presensya sini sang damlag lang sa Brgy. Lublob Dumangas, Iloilo.
Paathag ni Palomo nga makabig tuman ka mobile ukon wala halos nagatinir sa isa ka lugar si Prevendido tungod man sa isyu sang seguridad sini.
Apelar sang Police, magsungka na ini kag itugyan ang kaugalingon sa disposition sang korte.