ILOILO CITY – Lunsay nangin subject sang Oplan Toktok-Hangyo (Tokhang) ang duha ka mga nasapwan nga patay sa separado nga lugar sang tinalikdan nga semana.
Sa exclusive interview sang Bombo Radyo kay Police Inspector Rolando Amihan, OIC Station Commander sang Jaro Police Station, ginkumpirma sini nga base sa record sang Station Anti Illegal Drugs (SAID), makabig nga drug personalities sang Brgy. Tabuc Suba Jaro ang mga nasapwan-patay nga sanday Ramil Cagbay kag Dante Laloma.
Matapos naman ma’tokhang’ sang police si Dante Laloma gilayon naman nga nangin dula-an ini samtang sige-sige naman ang pagpulopalagyo ni Ramil Cagbay sa mga otoridad.
Ginapahayag nga kilalahay ang duha ka mga biktima.