ILOILO CITY — Indi na dapat pagpatulan pa kag untatan na ang pagpalapta sang sala nga impormasyon angot sa ginapahayag terror threat sa isa ka chain of malls sa pungsod.
Ini ang panawagan sang Police Regional Office (PRO) 6 sa publiko ilabi na sa mga Netizens ukon ang mga nagagamit sang Social Networking sites.
Suno kay PSUPT Gilbert Gorero, spokesperson sang PRO 6, indi hilikuton sang police nga isapubliko ang mga direktiba nagikan sa Camp Crame ilabi pa ang naghalin sa Directorate for Intelligence.
Gindugang pa ni Gorero nga ginvalidate na sang Intelligence Community ang impormasyon kag wala sang kaangay nga threat sa Rehiyon.