ILOILO CITY — Balik na sa P40.00 pesos ang Flag down rate sang mga taxi sa bug-os nga pungsod, magluwas lamang sa Cordillera Administrative Region (CAR) epektibo subong nga adlaw, Pebrero 13, 2017.
Suno sa Land Transportation Franchising and Regulatory Board (LTFRB) paagi sa ila spokesperson nga si Atty. Joemarie Lamparero, mangin epektibo ang mandu kasunod man sang Resolution sang Board sa hingyo sang mga operators sang tinalikdan nga semana.
Paathag sang LTFRB wala sang pagsaka sa rates sa masunod nga mga kilometro amo man sa waiting time.
Sa bahin naman sang CAR, magapabilin sa P35.00 ang flag down rate sa amo nga rehiyon sa una nga 400 meters humalin sa pagsaka sang mga pasahero.