ILOILO CITY–Ginakabig ni Iloilo Gov. Arthur Defensor Sr. nga masanag nga pamulitika ang natabo nga pagpadugay sang budget hearing sa 2019 budget sang probinsya sang Iloilo.
Sa flag raising ceremony sa Iloilo Provincial Capitol, wala sang pagpangduha-duha nga ginpahayag ni Gov. Defensor nga si 4th district Cong. Ferjenel Biron ang utok sang pagsabotahe sang 2019 budget sang probinsya.
Kun wala sang pamulitika suno kay Defensor, kun tani indi malab-utan sanga tatlo ka bulan bag-o natapos ang budget hearing.
Sa pagkamatuod suno sa gobernador, kun hungdon sang Committee on Appropriation, matapos man sa sulod sang isa ka adlaw ang pagrepaso sang pondo sang 17 ka talatapan.
Sa subong suno kay Defensor, wala pa sang kasiguraduhan kun san-o mabaton ang salary increase sang mga empleyado kag kun san-o ma-umpisahan ang mga proyekto nga naapektuhan bangud sa re-enacted budget.
