Nagkaran-karan ang mga staff sang Mandaue Foam matapos masunog ang bodega nila nga nahamtang sa Mali-ao Pavia Iloilo.
Sa interview sang Bombo Radyo kay Ricky Ventillo, isa sa mga nagresponde sa insidente, iya ginpahayag nga naglupok ang motor sa ila bodega.
Madasig naman nga nagmakot ang kalayo sa diin una nga ginlamon sang kalayo ang mga foam.
Gingamitan sang fire extinguisher ang kalayo apang madasig ini nga nag-ibwal.
Wala naman naglaton ang kalayo sa mga kaiping nga lugar bangud may yara sang firewall.
Isa naman ka empleyado ang napilasan sa insidente matapos madagdagan sang jalousie.
Ang biktima amo si Gelson Bermejo, sa diin nag angkon ini sang pilas sa ulo.
Magluwas sini, may nahyperventilate man nga isa ka sibilyan kag isa ka katapo sang Federation Iloilo Fire Brigade Incorporated.
Gilayon naman nga gindala sa ospital ang mga natungdan.
Sa subong, padayon pa subong nga ginahibalo sang Bureau of Fire Protection (BFP) ang balor sang nagluntad nga sunog.
