Cong. Jerry Treñas,nagapanguna sa gihapon sa mga mayoralty candidates sa Iloilo City sa latest RACI survey

Dominado sa gihapon ni Iloilo City Lone District Cong. Jerry Treñas ang voter’s preference sa pagka alkalde sang syudad sang Iloilo sa pinaka-ulihi nga survey sang Random Access Consultants Inc. (RACI).

Ang survey ginpatigayon sang Abril 27 kag 28, 2019.

Ini may yara sang sample size nga 60 respondents kag may margin of error nga ±4%.

Sa interview sang Bombo Radyo kay Professor Lisa Baliao sang RACI, iya ginpahayag nga ang survey ginpatigayon paagi sa face to face interview sa mga rehistrado nga pumuluyo nga naga-edad 18 anyos pasaka gikan sa distrito sang Arevalo, City Proper, Jaro, Lapaz, Lapuz, Mandurriao kag Molo.

Yari ang over-all result sang survey.

1. Cong. Jerry Treñas nga may 62.7%
2. Mayor Jose Espinosa III nga may 27.2%
3. Dra. Pacita Gonzalez nga may 7.0%
4. Mel Carreon nga may 1.0%
5. Steve Abitang nga may 0.8%
6. Patas sanday Punong Barangay Efren Gimeo kag Rudy Bantolo nga 0.2%