ILOILO CITY – Nagalaum si Department of Public Works and Highways (DPWH) 6 Regional Director Lea Delfinado nga mangin mabinungahon ang iya pagpamuno bilang bag-o nga regional director sang nasambit nga ahensya.
Sa exclusive interview sang Bombo Radyo kay Delfinado, iya ginpahayag nga tuman ang iya kalipay matapos nga nakabalik sa pagserbisyo sa Western Visayas.
Suno kay Delfinado, tuig 2011 tubtub 2015, nagserbe siya sa Iloilo kag Negros Occidental tubtub nga nangin Officer-in-Charge sang Office of the Bureau Director, Bureau of Design sa DPWH Central Office sa Metro Manila.
Sa iya nga pagpamuno sa DPWH-6, nagalaum ang bag-o nga regional director nga madamu siya sang mapatuman nga proyekto sa rehiyon.
Nahibalu-an nga ginbuslan ni Delfinado si Regional Director Wenceslao Leaño Jr.
