ILOILO CITY – May yara na sang ginahimo nga mga tikang ang Public Safety Transportation and Management Office (PSTMO) kadungan sang pagbutang sang klase.
Sa interview sang Bombo Radyo kay Jeck Conlu, pinuno sang PSTMO, iya ginpahayag nga may yara sang deployment sang traffic auxillary sa mga dalanon padulong sa mga eskwelahan.
Dugang pa ni Conlu, may yara man sila sang deployment nga magabantay sa pagpatuman sang mga traffic rules kag anti-jaywalking.
May yara man sang mga personnel nga igadeploy sa mga eskwelahan agud mag giya sa mga estudyante.
Humalin sang Lunes suno kay Conlu, may ginpatigayon man sila nga clearing operations sa mga eskwelahan sa diin nagdangat na sa 1,000 ang nagkaladakpan sa illegal parking.
