ILOILO CITY – Tinguhaan sang mga pumuluyo nga matuman ang zero dengue case sa Brgy. San Isidro, Jaro, Iloilo City.
Sa interview sang Bombo Radyo kay Brgy. Kagawad Ruby Gallano sang nasambit nga lugar, iya ginpahayag nga morning habit na sang mga pumuluyo ang dululungan nga pagpaninlo sa walo ka mga zona sang barangay.
Suno kay Gallano, mismo ang mga barangay officials ang nagapanguna sa pagpaninlo bilang ehemplo sa mga pumuluyo.
Ginpahayag man niGallano nga indi nila luyag masulit nga sa ila barangay na naman maghalin ang pinakamataas nga kaso sang dengue sa syudad kaangay sang nagligad nga tuig.
