ILOILO CITY-Nagpamalibad ang Police Regional Office (PRO) 6 nga pangalanan ang tatlo ka mga pulis nga ginapahayag nag-eskandalo sa isa ka bar sa JM Basa Street, Iloilo City Proper.
Sa interview sang Bombo Radyo Iloilo kay Lt. Col. Joem Malong,tagpamaba sang PRO-6 iya ginpahayag nga identified na ang tatlo ka mga pulis apang indi nila luyag nga matabo ang trial by publicity sa mga ini.
Suno kay Malong,samtang nagapadayon pa ang imbestigasyon sa insidente, gin-disarmahan anay kag gindumilian nga magsulod sa Camp Martin Delgado ang tatlo ka PNP personnel.
Ginpahayag sang natungdan nga pananglitan nga mapamatud-an nga nag-eskandalo gid man ang mga pulis, sila ang mahimo nga ma-dismiss sa serbisyo.
