ILOILO- Ginklaro ni 4th District Board Member Rolly Distura nga wala sang pamulitika sa likod sang wala nadayon nga sesyon sa Sangguniang Panlalawigan sa probinsya sang Iloilo.
Sa interview sang Bombo Radyo Iloilo kay Board Member Distura nga amo subong ang OIC Vice- Governor tal-os sa naka-leave nga si Vice- Governor Christine Garin, iya ginpahayag nga wala sang quorum sa sesyon sa diin pito lamang sa ila ang nagtambong nga ginalakipan nanday Distura, 1st District Board Member Renee Valencia, 2nd District Board Member Rolito Cajilig, 2nd District Board Member June Mondejar, 3rd District Board Member Matt Palabrica, 3rd district Board Member Jason Gonzales kag Philippine Councilors League President Licurgo Tirador.
On-official business naman sanday 1st District Board Member Marcelo Valentine Serag, 5th District Board Member Carol-V Espinosa-Diaz, 5th District Board Member Nielito Tupas kag Vice Governor Christine Garin.
Samtang on-leave sanday 4th District Board Member Domingo Oso Jr., Liga ng mga Barangay President Dorothy Paes kag Provincial President SK Federation Ma. Angelica Bianca Requinto.
Nahibaluan nga nalakip sa mga agenda nga istoryahan kuntani sa sesyon amo ang pag-apruba sang internal rules, chairmanship sa mga committee, paghatag authority kag Defensor bilang bank signatory, kag mga emergency purchases.
Nahibaluan nga sa tagsa ka Martes ang regular session sang Sangguniang Panlalawigan.
