Padayon nga gina imbestigaran kag gina monitor sang mga otoridad ang duha ka mga mga terorista ukon suicide bomber nga ginapahayag nakasulod sa pungsod.
Sa interview sang Bombo Radyo kay, Capt. Cenon Pancito III, tagpamaba sang 3rd Infantry Division sang Philippine Army, iya ginpahayag kag gin kompirma nga duha ka Sri Lankan suicide bomber ang nakasulod sa pungsod sang nagligad lang nga byernes.
Suno kay Pancito, ang pinaka latest nga impormasyon nga ila nabaton tuhoy sa lokasyon sang nasambit nga duha ka tawo amo nga yara ang mga ini sa Norte nga bahin sang pungsod bangud ginapahayag mas mabaskog ang pwersa sang kapulisan sa taliwas nga bahin.
Nagpasalig si Defensor nga naka alerto na ang ang bilog nga pwersa sang kapulisan kag armed foces sa pagbantay kag monitor sa mga nasambit nga persona.
Nagpanugyan naman si Defensor nga mangin bigilante ang mga pumuluyo kag gilayon nga ipalab-ot sa kapulisanukon militar kun may yara sang makita nga suspetsado nga mga persona.
Sa subong gina hulat nalang ang final intelligence report agud mahibaluan ang identity kag katuyuan sang nasambit nga mga tawo.
Nahibaluan nga ginapahayag may yara man sang pito ka mga persona ang nakasulod sa pungsod sang nagligad lang nga adlaw agud maghanas sang mga posible mangin suicide bombers.
