Personal nga eksperyensya sa paghigugma ang nangin inspirasyon sang composer sang ambahanon nga LDR nga isa sa mga Top 12 finalist sa 3rd Bombo Music Festival 2020.
Sa interview sang Bombo Radyo kay Jose LG Fuentes sang Sitio Bato, Casile Consolacion Cebu, iya ginpahayag nga isa man sa nangin inspirasyon niya amo ang Overseas Filipino Workers nga nagatrabaho nga malayo sa ila pamilya.
Suno kay Fuentes, paagi sa iya nga ambahanon, luyag niya nga ipakita ang positibo nga bahin sang LDR ukon Long Distance Relationship.
Tuman naman ang pagpasalamat ni Fuentes bangud nga matapos ang una niya nga pagpasakop sa Bombo Music Festival, nangin in demand ang iya nga career kag nagalaum siya nga mas mahatagan pa gid siya sang igtalupangod ang iya mga ambahanon.
Naghatag naman sang sample si Fuentes sa iya nga ambahanon nga may tigulo LDR.
