ILOILO– Ginklaro sang Department of Interior and Local Government nga wala sang may gingasto ang Iloilo City Government sa ginpatigayon nga Lakbay Aral sang mga barangay official.
Sa interview sang Bombo Radyo kay City Department of Interior and Local Government Officer Roy Defiño, iya ginpahayag nga ang tagsa ka barangay council ang nagbayad sang ila expenses sa Lakbay Aral.
Suno kay Defiño, nagapati siya nga may yara sang nakuha kag natun-an ang barangay officials gikan sa Lakbay Aral nga magaserbe nga return of investments sang isa ka barangay.
Dugang sang natungdan, agud masigurado nga may natun-an ang barangay officials sa Lakbay Aral, obligado sila nga magpasa sang re-entry action plan.
Ang nasambit nga action plan ang nagakadapat nga magpakita sang mga natun-an sang barangay officials nga mahimo nila ipatuman sa ila barangay.
Ang City DILG kag ang Liga ng Barangay ang magapatigayon sang inspection agud mahibalu-an kun bala ginasunod sang mga barangay official ang nasaad sa action plan.
