ILOILO CITY – Duha sa 10 ka mga critical barangay sa syudad sang Iloilo kun Dengue Hemorrhagic Fever ang pagahambalan ang wala pa napatigayunan sang Do Day kontra Dengue sang Iloilo City Government.
Sa interview sang Bombo Radyo kay Iloilo City Councilor Alan Zaldivar, chairman sang Committee on Health sa konseho, iya ginpahayag nga lakip sa top 10 barangay nga may pinakamadamu nga Dengue cases amo ang Balabago, Baldoza, Tacas, Balantang, Jereos, Bolilao, Tagbak, Buntatala, Sambag, Calumpang kag Guzman-Jesena.
Suno kay Zaldivar, padayon sa gihapon ang ginapatigayon nga kampanya nga “Ugasaran Tinlu-an Agud Balati-an Malikawan apang bangud nga masami nga naga-ulan, ginapaiway ang pagpatigayon sang fogging kag misting.
Ginpahayag ni Zaldivar nga santo sa record sang City Health Office, naglab-ot na sa 2,720 ang Dengue cases samtang 16 naman ang patay bangud sa nasambit nga balati-an.
Sa pihak sini, ginpahayag sang natungdan nga padayon sa gihapon ang pagpatigayon sang Do Day sa tagsa ka Sabado agud nga matapna ang pagduging sang Dengue.
