ILOILO – Manayanaya nga yuhom ang nagakadapat nga ipakita sang mga pulis sa tanan nga tion.
Sa interview sang Bombo Radyo kay Pol. Lt. Col Joem Malong, tagpamaba sang Police Regional Office 6, iya ginpahayag nga mabaskog nga ginapatuman sa bug-os nga hanay sang Philippine National Police ilabi na sa pag abi-abi sa mga kliyente.
Suno kay Malong, magluwas sa uniporme nga nagsimbolo sa imahe sang Philippine National Police, nagakadapat man nga mangin maabi-abihon ang mga pulis agud indi matahap ang mga pumuluyo nga magpangayo sang bulig.
Ginpahayag ni Malong nga ang nasambit nga lihok ang kabahin sang Internal Cleansing nga madugay na nga ginapatuman.
Ginapatuman man ang patas nga paghatag sang serbisyo nga wala sang may ginadampigan kag ginapili.
