GUIMARAS – Wala sang ginalantaw nga foul play ang Buenavista Police Station sa likod sang paghikog-patay sang isa ka 32-anyos nga myembro sang LGBTQ community.
Sa interview sang Bombo Radyo kay Police Major Ahlie Estember, hepe sang Buenavista Municipal Police Station, iya ginpahayag nga sa ila imbestigasyon kaupod ang Scene of the Crime Operatives, wala sang makit-an nga pamatuod nga may iban pa nga rason nga gintunaan sang kamatayon ni alyas Ash.
Dugang ni Estember, kumbinsido man ang pamilya sang biktima nga naghikog ini, apisar wala ini nakaagi sa pag-‘attempt sa pagpanginmatay sang una.
Pahayag pa sang natungdan, posible personal nga problema ang rason bangud wala man ini sang naistorya sa iya mga barkada antes matabo ang insidente.
Nahibaluan nga Domingo sang nasapwan nga nagabitay kag wala na sang kabuhi ang biktima.
