ILOILO CITY – Naglab-ot na sa 25 ang nadakpan sang Public Safety and Transportation Management Office (PSTMO) nga mga nagalapas sa Anti-Modified Mufflers Ordinance sa syudad sang Iloilo.
Sa interview sang Bombo Radyo kay Mr. Jeck Conlu, pinuno sang PSTMO, iya ginpahayag nga ang tanan nga mga nadakpan ang first-time offenders pa gid lamang.
Kalabanan sa ila ang nadakpan sa kagab-ihon sa tion sang weekend sa city proper kag mga distrito sang Jaro kag Mandurriao.
Suno kay Conlu, mas maayo subong bangud madamo ang nagahatag sang impormasyon sa ila pamunuan, ilabi na ang mga opisyal sang barangay.
Nahibaluan nga sa tion nga una nga madakpan ang offender, pagamultahan siya sang P1000, P3000 sa ikaduha nga pagdakop, kag P5000 sa ikatatlo nga pagdakop kag igakumpiska ang tambutso sang iya salakyan.
